යුගයේ ආදරණීයම නවකතාකරු, සුජීව ප්‍රසන්න ආරච්චිගේ දියණියගේ විවාහ උත්සවයේ ඡායාරූප පෙළ (PHOTOS)
පොත් පිටු අස්සෙ කිමිදෙන්න ගත්තාම ඒ වචනයක් වචනයක් ගාණෙ ආදරේ වෑහෙන්න ගන්නවා.
විරහව වුණත් අමුතුම ලතාවකට ගොතලා තිවුණු නිසාම අකුරක්, වචනයක්වත් මඟනොහැර කියවගෙන යන්න පුළුවන්.
මේ ප්‍රේම කතා හැබෑවටම කී දෙනෙක් නම් එක හිතින් ප්‍රාර්ථනා කරන්න ඇත්ද !
එහෙම පින්සාර ප්‍රේමයක පෙම්වතිය වී පෙම්වතා වී මොහොතකට හෝ හුස්ම ගත් ජීවිත මේ පුංචි රටේ ඕනෑ තරම්.
වර්ෂා, සීගිරි, දළඳා වීදිය, සර්, සුදු අරලිය, මහමෙවුනා, උතුම් පැතුම්, බොඳ මීදුම් ... මේ ඊට උදාහරණ කීපයක් විතරයි.
සුජීව ප්‍රසන්න ආරච්චි.... ඔව්... ඒ ඔහුගේ ලියමන්.
විටෙක බොළඳ ලියමන් යැයි ඇතැමෙක් රාමුගත කෙරුවද ඔහුගේ ලියමන්වල රහට වහවැටුණ උන් තවමත් ඉන්නවා.
එතනින් එහාට ඒ ප්‍රේම කතා රූපවාහිනි තිරයට ගොඩවෙන්න ගත්තාම, පොත් නොකියෙව්ව ද රූප පෙට්ටියෙන් මේ පෙම් කතා රසවින්ඳ පිරිස් ඕනෑ තරම්.
සුජීව ප්‍රසන්න ආරච්චිගේ නවකතාවලට කියවන්නන් කෙතරම් පෙම් බැන්දාද කිව්වොත් සුජීව - මධාරා ආදර කතාවටත් ඒ තරමට ළෙංගතුකම් පාන්න ඔවුන් දෙපාරක් හිතුවෙ නෑ.
අන්න ඒ නිසාමයි සුජීව - මධාරා සොඳුරු කැදැල්ලේ දියණියක සිය දිවියේ ආදරණීයම පරිච්ඡේදය අරඹන මොහොතේ කවුරුත් හදවතින්ම සුබපැතුම් එක්කාසු කළේ.
ඈ නමින් දෙව්මිණි. ඇගේ අතගත් කුමාරයා හිමාල්.
ඔවුන්ගේ විවාහ මංගල උත්සවය තනිකරම ''තරු පිරි රාත්‍රියක්''
සුජීව ප්‍රසන්න ආරච්චිගේ නවකතා, රූප පෙට්ටියේ සිත්තම් කළ තරු රැසක් ඒ අතර වීම විශේෂයි.
ඒ සුන්දර මොහොතට ජනපති රනිල්, හිටපු ක්‍රීඩා ඇමති නාමල් ද සහභාගීව උන්නා.
331 Views
Comments