“ඒ අය මට මේ ගැන කිය කියා හිනාවුණා, ඇත්තම සෝචනීය කරුණ තමයි...” - ජලනි ප්‍රේමදාස කියූ මෙතෙක් නොකී සංවේදී කතාව
'අනාගත නායක සජිත් ප්‍රේමදාසයේ ආර්යාව හැටියට යි, මම මේ ස්ථානයට ආවේ...' මීට කාලෙකට කලින් 'සමාජ මාධ්‍ය' තුළ අතිශය 'ආන්දෝලනයක්' ඇති කළ 'ජලනි ප්‍රේමදාස'ගේ ඒ ප්‍රකාශය බොහෝ දෙනෙක් විසින් හාස්‍යයට ලක් කළා ඔබට මතක ඇති.
මින් එහා ඈව 'පතුරු හරින්නට' බොහෝ පාර්ශව ඒ වීඩියෝව භාවිත කරන්නට වුණා. (නමුත් ඒ ඇය 'ට්‍රෝල්' කළ පළමු වතාවද නෙවෙයි...)
සජිත්ගේ 'දේශපාලනික' කයි කතන්දර අස්සෙ 'ජලනි ප්‍රේමදාස'ත් ඉදහිට හෝ දකින්නට ලැබුණු අනිවාර්ය චරිතයක්‍.
පසුගිය 'ජනාධිපතිවරණ' සමයේත් ඇය බොහෝ දෙනෙක්ගේ 'අවධානය' දිනාගත්තා. එයිනුත් නොනැවතී 'මහින්ද රාජපක්ෂ' හිටපු ජනපතිවරයා පවා ඇය ගැන ප්‍රසිද්ධියේ කියූ 'නිර්ලැජ්ජිත' ප්‍රකාශය දේශපාලන පිටියේ පවා විවේචනයට ලක්වූවා.
ඒ නමුත් ඒ සියල්ලට 'නිහඬව' හිඳ පිළිතුරු දුන් ඈ දැන් ආදරණීය 'දුවණියක'ගේ මවක්. ඈ හා සජිත් ප්‍රේමදාස මාපියන් වූ 'පුවත' පසුගිය දිනෙක මුල්වරට 'චමින්ද විජේසිංහ' මන්ත්‍රීවරයා මාධ්‍ය හමුවක සඳහන් කර තිබුණා.
මේ වග කියූ සජිත් සහ ආර්යාව දියණිය හා සිටින 'ඡායාරූප' පවා සමාජ මාධ්‍යයේ හුවමාරු වුණා.
ඉන් අනතුරුව 'බදුල්ලේ' දී පැවැත්වුණු 'ජන හමුවකදී' තම දියණියකගේ 'පියෙක්' බැව් සජිත් ප්‍රේමදාස මුල්වරට හෙළිදරවු කර සිටියා.
තමන්ට හා සැමියා සජිත් ට 'සමාජ මාධ්‍ය' ඔස්සේ හෝ ප්‍රසිද්ධ 'දේශපාලන වේදිකාව' තුළ සිදු කළ පහර දීම් ගැන කලකට ඉහත 'ජලනි ප්‍රේමදාස' මේ විදිහට කරුණු කියා තිබුණා.
'මම මේ සිදුවීම ගැන පළමු වැනි වතාවටයි මාධ්‍යයකට කතා කරන්නේ, ඒ කියන්නේ ඔබ සමඟයි ප්‍රථම වතාවට මම මේ අදහස් ප්‍රකාශ කරන්නේ. මේ සිදුවීම් ඇති වුණේ පසුගිය පාර්ලිමේන්තු මහ මැතිවරණ සමයේදීයි. මේ කාලයේදී ඔබ දන්නවා ඇති කිසිම තේරුමක් නැති විචාර මෙන්ම විහිළු සහ සරදම් නිතර සිදුවන බැව්...'
'මේ අතරවාරයේදී තමයි මෙම කනගාටුදායක සිදුවීමත් සිදුවන්නේ. ඔබ දන්නවා ඇති එකල බොහෝ විරුද්ධ දේශපාලන වේදිකාවලදී මාව විවේචනය කළා. ඒ අයගේ දේශපාලන වාසි තකා. හරිම ශෝචනීය කරුණ තමයි, ඒ පිරිස් විසින් මාව විවේචනය කරමින් කියා සිටියා මට දරුවන් නොමැතිකම ගැන. ඒ විතරක් නෙවෙයි ඒ අය මට මේ ගැන කිය, කියා සිනහ වුණා. මේ තත්ත්වය කෙතරම් අසාධාරණද, නින්දිතද, කනගාටුදායකද?'
එදා දවස එපමණක් 'අවාාසනාවන්ත' වූවත් දෛවය කොයි තරම් නම් පුදුම සහගතද?? ඉතින් 'දේශපාලන' කෝන්තර මඳකට අමතක කර අපිත් ඇයට සහ ඔහුට සුබ පතමු!!
1366 Views
Comments