ස්ථාන මාරු ලැබ පාසලෙන් අවසන් වරට පිටවු ගැබිණි ගුරුවරියට නිවසට එද්දී සැමියාත් සමඟම අවසන් ගමන් යන්න වූ හැටි

අකු­රැස්ස බෝප­ගොඩ ප්‍රදේ­ශ­යේදී පෙරේදා (25) සවස වෑන් රථ­යක් සහ යතුරු පැදි­යක් එකි­නෙක ගැටී­මෙන් සිදුවූ බර­ප­තළ අන­තු­රින් යතු­රු­පැ­දියේ පැමිණි අඹු­සැමි යුව­ළක් ජීවි­ත­ක්ෂ­යට පත්විය.

 

මෙ‍ලෙස ජීවි­ත­ක්ෂ­යට පත්වී ඇත්තේ ව්‍යාපා­රි­ක­යකු වූ 38 හැවි­රිදි ඉන්දික සම්පත් සහ ඔහුගේ බිරිය වූ මෙදේ­රි­පි­ටිය කනිටු විදු­හලේ ගුරු­ව­රි­යක ලෙස සේවය කරන 32 හැවි­රිදි භාග්‍යා බොර­ලැස්ස නැමැ­ත්ති­යයි.

 

අකුරැස්ස, සියඹලාගොඩ පිටබැද්දර මාරිගයේ බෝපගොඩ මංසන්ධිය ආසන්නයේදී පෙරේදා (25) පස්වරු 04.30ට පමණ මෙම අනතුර සිදුව ඇත.

 

මෙදේ­රි­පි­ටිය කනිටු විදු­හලේ වසර 5ක් පමණ සේවය කර තිබූ භාග්‍යා වෙනත් පාස­ලක ස්ථාන මාරු­වක් ලැබීම නිසා එම විදු­හලේ පැවැති සමු­ගැ­නීමේ උත්ස­ව­යෙන් අන­තු­රුව සිය සැමියා වන ඉන්දික සමඟ මාක­ඳුරේ සිය නිවස බලා යතුරු පැදි­යෙන් ගමන් කර­මින් සිටි­යදී බෝප­ගොඩ ප්‍රදේ­ශ­යේදී මේ අන­තු­රට ලක්වූහ.

 

යතුරුපැදියෙන් ගමන් කරමින් සිටියදී පිටබැද්දර ව්‍යාපාරිකයකු අකුරැස්ස දෙස සිට පිටබැද්දර දෙසට ගමන් කරමින් තිබූ වෑන් රථයක් ඔවුන් යට කරගෙන ගොස් අසල පස් කණ්ඩියක හැපී නතර වී ඇතැයි පොලීසිය සදහන් කරයි.

 

පාසලේ පැවැති සමු­දීමේ උත්ස­ව­යේදී ඇය ලද ත්‍යාග පාර්ස­ලය ද යතුරු පැදියේ තිබී එම ස්ථානයේ වැටී තිබුණි.වෑන් රථය දකු­ණට බර වී ධාව­නය වී තිබූ බව පොලි­සිය සඳ­හන් කරන අතර යතු­රු­පැ­දියේ ගමන් කළ අඹු සැමි යුවළ වෑන් රථ­යට යට වී තිබුණි.මහත් වෙහෙ­සක් දරා අස­ල්වැ­සි­යන් විසින් වෑන් රථය යටින් එළි­යට ගත් තුවාල ලැබූ දෙදෙනා රෝහල වෙත පිටත් කර යැවූ බව එහි සිටි පුද්ග­ල­යෙක් පැව­සීය.

ව්‍යාපාරික රියැදුරු අකුරැස්ස පොලීසිය අත්අඩංගුවට ගෙන ඇති අතර ඔහු බීමත්ව සිට නොමැති බවත් අනතුරට හේතුව සොයා විමර්ශන ආරම්භ කර ඇති බවත් පොලීසිය පවසයි.මියගිය භාග්‍යාගේ දේහය අකුරැස්ස රෝහලේ මෘත ශරීරාගාරයට යොමු කර ඇති අතර ඉන්දිකගේ දේහය කරාපිටිය රෝහලේ තැන්පත් කර ඇත.මියගිය භාග්‍යා ගැබිනියක බව ද පොලිසිය වැඩිදුරටත් කීය.

 

රියැදුරු බීමත්ව සිට ඇති බවට පැතිරී යන කටකතා නිසා පොලීසියට මරණකරුවන්ගේ පාර්ශ්වයෙන් එල්ල කරන චෝදනාව ප්‍රතික්ෂේප කරමින් බීමත් රියැදුරන් පරීක්ෂණ නළ නොමැතිකම නිසා රියැදුරු අකුරැස්ස රෝහලේ ප්‍රධාන වෛද්‍ය නිලධාරි මානක විදානපතිරණ මහතාට ඉදිරිපත් කර අනතුරුව මාතර කොට්ඨාස අපරාධ පරික්ෂණාගාරයේ මත්ද්‍රව්‍ය පරීක්ෂණ යන්ත්‍රයට ඇතුළත් කර වාර්තාවක් ලබාගෙන ඇති බවත් පොලිසිය කියයි.

 

සැකකාර ව්‍යාපාරික රියැදුරු ඊයේ (26) මොරවක මහේස්ත්‍රාත් අධිකරණයට ඉදිරිපත් කර ලේ පරීක්ෂණ වාර්තාවක් ලබාගන්නා බවත් පොලීසිය වැඩිදුරටත් පවසයි.

 

දේහ­යන් ඊයේ (26) පල්ලේ­ගම නිව­සට රැගෙන යෑමට නිය­මි­තව තිබූණි. අන­තු­රට ලක් වූ වෑන්ර­ථය අකු­රැස්ස දෙස සිට සිය­ඹ­ලා­ගොඩ දෙසට ධාව­නය වී තිබූ අතර යතු­රු­පැ­දිය සිය­ඹ­ලා­ගොඩ දෙස සිට අකු­රැස්ස දෙසට ධාව­නය වී ති‍බේ.

 

බෝප­ගොඩ ප්‍රදේ­ශ­යේදී යතු­රු­පැදි‍‍ය වෑන්රථ‍යේ ගැටී‍මෙන් මේ අන­තුර සිදු වී තිබේ.

අන­තු­රින් බර­ප­තළ තුවාල ලැබූ කාන්තාව අකු­රැස්ස දිසා රෝහ­ලට ඇතු­ළත් කරන ලද අතර එහිදී ඇය ජීවි­ත­ක්ෂ­යට පත්වූ­වාය. ඇයගේ සැමි­යාගේ තත්ත්වය බර­ප­තළ බැවින් ඔහු කරා­පි­ටිය ශික්ෂණ රෝහ­ලට ඇතු­ළත් කිරී­මෙන් අන­තු­රුව මිය­ගොස් තිබුණි. වෑන් රථයේ රියැ­දුරු අකු­රැස්ස පොලි­සිය මඟින් අත්අ­ඩං­ගු­වට ගෙන ඇත.

 

අකු­රැස්ස පොලිස් ස්ථානා­ධි­පති ප්‍රධාන පොලිස් පරී­ක්ෂක ධම්මික රාජ­පක්ෂ මහ­තාගේ උප­දෙස් මත රථ­වා­හන අංශයේ ස්ථානා­ධි­පති උප පොලිස් පරී­ක්ෂක හෙට්ටි­ආ­රච්චි මහතා ප්‍රමුඛ පොලිස් නිල­ධා­රීන් පරී­ක්ෂණ පව­ත්වති.