දස වද දී ඝාතනය කළ නාදුනන මළ සිරුරක් හොරණ සොහොන් බිමක තිබී හමුවේ

හොරණ ගනේතැන්න සුසාන භූමිය අසල රබර් අත්තක් තුළ තිබී වධහිංසා පමුණුවා ඝාතනය කළ පුද්ගලයෙකුගේ නිරුවත් මළ සිරුරක් හමුවී තිබෙනවා.

 

මෙම පුද්ගලයාගේ මුහුණට සහ හිසට මොට ආයුධයකින් පහර දී තිබී ඇති අතර රහස් ප්‍රදේශය කපා දමා තිබෙනවා.

 

මොහුගේ මෘත සිරුර පසුගිය 7 වෙනදා සොයාගෙන ඇති අතර ඊට දින කිහිපයකට පෙර මෙම ඝාතනය සිදු වන්නට ඇතැයි සැක කෙරෙනවා.

 

තවමත් මෙම පුද්ගලයා කිනම් ප්‍රදේශයක අයෙකු ද යන්න අනාවරණය වී නොමැත. වෙනත් ප්‍රදේශයකින් පැහැරගෙන විත් ඔහුව නිරුවත් කර පහරදෙමින් සහ අංගඡේදනය කරමින් මෙලෙස ඝාතනය කරන්නට ඇතැයි පොලිසිය අනුමාන කරනවා.

 

මියගිය පුද්ගලයා වයස අවුරුදු 35ක් වන අයෙකු වන අතර ඔහුගේ දකුණු අතෙහි උරහිසට පිටුපස S අකුරක පච්චයක් ඇත. තවත් කටු කම්බියක පච්චයක්ද හමුවී ඇත.

 

මෙම ඝාතනය පිළිබඳ වැඩිදුර පරීක්ෂණ හොරණ පොලීසිය විසින් සිදු කරයි.