“මම සෙල්ලම් ගොඩක් කරපු කෙනෙක්, දැල්පන්දු කණ්ඩායම පිළිගන්න මට අයිතියක් තියනවා” - ඇමති රෝහණ (VIDEO)
ආසියානු ශූරතාවය දිනා නැවත මව්බිමට පැමිණි දැල්පන්දු ක්‍රීඩිකාවන් පිළිගැනීම සඳහා කටුනායක ගුවන් තොටුපල වෙත ගොස් සිටි ක්‍රීඩා රාජ්‍ය අමාත්‍ය රෝහණ දිසානාය, ක්‍රීඩිකාවන්ටත් වඩා කැපීපෙනෙන අන්දමින් මාධ්‍ය ඉදිරියේ පෙනී සිටීම සම්බන්ධයෙන් සමාජ ජාලා මාධ්‍ය හරහා දැඩිලෙස විවේචන එල්ල විය. එපමණක් නොව හාස්‍යයටද ලක්විය.
රෝහණ දිසානායකක්‍රීඩා රාජ්‍ය ඇමතිවරයා ලෙස දිවුරුම් දුන්නේද ඊට දින කිහිපයකට ඉහතදීය.
පාසල් කාලයේ සිට තමා විවිධ ක්‍රීඩාවල නිරත වූ බවත්, ක්‍රීඩාවේ දියුණුව වෙනුවෙන් බොහෝ වැඩ කටයුතු සිදුකර ඇති බවත් රාජ්‍ය ඇමතිවරයා පවසයි.
ඒ අනුව ක්‍රීඩාව බාර රාජ්‍ය ඇමතිවරයා ලෙස දැල්පන්දු ශූරියන් පිළිගැනීමට තමාට අයිතියක් ඇති බවයි ඔහු පෙන්වා දෙන්නේ.
පාසල් කාලයේදී පාපන්දු, හොකී, ක්‍රිකට්, මළල ක්‍රීඩා, ටේබල් ටෙනිස් ඇතුළු ක්‍රීඩාවල නිරත වූ බවත් පාසල් කෙඩෙට් කණ්ඩායම නියෝජනය කළ බවත් දිසානායක පවසනවා. එපමණක් නොව මාතලේ දිස්ත්‍රික්කය තුළ සමස්ත ලංකා දැල්පන්දු තරගාවලියක් සංවිධානය කළ බවද ඔහු පෙන්වා දෙනවා.
ක්‍රීඩකයෙකු ලෙස පමණක් නොව ක්‍රීඩා පරිපාලනය සම්බන්ධයෙන්ද අත්දැකීම් ඇති බවත්, වසර දෙකක් ශ්‍රී ලංකා හොකී සම්මේලනයේ සභාපතිවරයා ලෙස හා වසර දෙකක් ශ්‍රී ලංකා ටේබල් ටෙනිස් සම්මේලනයේ සභාපතිවරයා ලෙස කටයුතු කළ බවත් දිසානායක ප්‍රකාශ කරනවා.
තමා ගැන මේ කිසිවක් නොදන්නා පුද්ගලයන් එල්ල කරන විවේචනවලින් පසුබට නොවන තමා ඉදිරියටද ක්‍රීඩාවේ උන්නතිය වෙනුවෙන්, ක්‍රීඩක ක්‍රීඩිකාවන්ගේ යහපත වෙනුවෙන් කැපවීමෙන් කටයුතු කරන බවද රාජ්‍ය ඇමතිවරයා සඳහන් කරයි.
224 Views
Comments