වතුර බෝතලයක් ඉල්ලා පැමිණි කාන්තාවන් සිව්දෙනෙකුට නිරුවත් කර පහර දෙයි

වතුර බෝතලයක් ලබා දෙන ලෙස ඉල්ලා වෙළෙඳසැලක් තුලට පැමිණි කාන්තාවකට ඇතුළුව කාන්තාවන් සිව්දෙනෙකුට නිරුවත් කොට පහර දීමේ සිද්ධියක් සම්බන්ධයෙන් පුද්ගලයින් 05 දෙනෙකු අත්අඩංගුවට ගෙන ඇති බව පන්ජාබ් පොලිසිය පවසනවා.

 

පාකිස්ථානයේ, ෆයිසලාබාද් හි පිහිටි "Bawa Chak” වෙළෙඳ සංකීර්ණයේ ඉවතලන ද්‍රව්‍ය රැස් කිරිම සඳහා පැමිණි කාන්තාවන් සිව්දෙනෙකු මේ අවසනාවන්ත සිදුවීමට මුහුණ පා තිබෙනවා.

 

සිය කාර්ය්‍ය කරමින් සිටියදී ඇතිවූ පිපාසය නිසා අසල පිහිටි වෙළෙඳසැලක් තුලට ගොස් එහි හිමිකරුගෙන් බිමට වතුර බෝතලයක් ලබා දෙන ලෙස ඉල්ලීමක් කර ඇත.

 

එහිදී එම වෙළෙඳසැලේ හිමිකරු විසින් ඇය සොරකම් කිරීමේ අරමුණින් පැමිණි බවට චෝදනා කරමින් එහි සිටි සිය සහයකයින් සමග එක්වී මෙම කාන්තාවන් සිව්දෙනා නිරුවත් කොට පහරදී ඇති බවයි සිදුවීමට මුහුණ දුන් එක් කාන්තාවක් පොලිසියට සිදුකළ පැමිණිල්ලේ සඳහන් වන්නේ.