හැටේ පෙම්වතියට මරු කැඳවූ අනියම් පෙම

වයස අවුරුදු 40ක පුද්ගලයෙකු සමඟ අනියම් ඇසුරක් පැවැත්වූ කාන්තාවක් සහ අදාළ පුද්ගලයාගේ බිරිඳ එකම දිනක ගෙල වැලලාගෙන සියදිවි හානිකරගැනීමට උත්සහ කළ පුවතක් කළුබෝවිල රෝහලෙන් වාර්තා වෙයි.

 

කෙසේ වෙතත් මෙලෙස සියදිවි හානිකරගැනීමට ගත් උත්සහයේදී 60 හැවිරිදි වියේ පසුවූ අදාළ පුද්ගලයා අනියම් ඇසුරක් පැවැත්වූ කාන්තාව අවාසනාවන්ත ලෙස ජීවිතක්ෂයට පත්ව තිබේ.

 

සිය නිවසේදී ගෙලවැළලාගැනීමට උත්සාහ කළ එම පුද්ගලයාගේ 32 හැවිරිදි වියේ පසුවන බිරිඳ දැඩි සත්කාර ඒකකයට ඇතුලත් කර තිබේ.

 

මෙම කාන්තාවන් දෙදෙනාම පිළියන්දල ප්‍රදේශයේ පදිංචිකරුවන් බවට අනාවරණය වී ඇත.

 

මීට වසර 15කට පමණ පෙර මියගොස් ඇති 60 හැවිරිදි කාන්තාවගේ සැමියා මියගොස් තිබේ.

 

ඉන් අනතුරුව එම කාන්තාව එකළ 25 හැවිරිදි වියේ පසුවූ මේ වනවිට 40 හැවිරිදි වියේ පසුවන මෙම පුද්ගලයා සමඟ අනියම් ඇසුරක් පවත්වා ඇත.

 

එහි ප්‍රතිඵලයක් ලෙස අදාළ කාන්තාව විසින් ඇයගේ සියළුම දේපළ අදාළ පුද්ගලයාගේ නමට ලියා දී ඇති බව මේ වනවිට අනාවරණය වී තිබේ.

 

මීට දින කිහිපයකට ඉහතදී අදාළ කාන්තාවට තොරතුරක් ලැබී ඇත්තේ අදාළ පුද්ගලයා පිළියන්දල ප්‍රදේශයේ තරුණියක් සමඟ හොර රහසේ විවාහ වී ඇති බවටය.

 

ඒ අනුව මෙම කාන්තාව විසින් අදාළ නිවසට ගොස් ඇත.

 

එහිදී සිය අනියම් පෙම්වතා පිළිබඳව සියලු තොරතුරු අනාවරණය කරගැනීමෙන් අනතුරුව නැවත සිය නිවසට පැමිණ තිබේ.

 

ඉන් අනතුරුව නිවසේ සිටි මෙහෙකාරිය නිවසින් පිටතට යවා සිය නිවසේදී ගෙල වැලලාගෙන සියදිවි හානිකරගෙන ඇත.

 

ඇයගේ මළ සිරුර ආසන්නයේ තමන් වසර ගණනාවක් ආදරය කළ 40 හැවිරිදි පුද්ගලයා අමතා ලියන ලද පිටු ගණනාවකින් සමන්විත ලිපියක් ද හමුවූ බව හදිසි මරණ පරීක්ෂකවරයා පැවසීය.

 

අදාළ කාන්තාව නිවසට පැමිණීමත් සමඟ එම පුද්ගලයාගේ බිරිඳද, තමන් විවාහ වී ඇත්තේ 60 හැවිරිදි වියේ පසුවන කාන්තාවක් සමඟ ඇසුරක් පවත්වන අයෙකු බවට අනාවරණය වීම හේතුවෙන් සියදිවි හානිකර ගැනීමට උත්සහ කර තිබේ.

 

කෙසේ වෙතත් අදාළ කාන්තාව කඩිනමින් රෝහල්ගතකිරීම හේතුවෙන් දිවි බේරාගැනීමට සමත්ව ඇත.