2023 අප්‍රේල් 06 - අද දවසේ කාලගුණ වාර්තාව

ශ්‍රී ලංකාවේ කාලගුණ විද්‍යා මධ්‍යස්ථානය පවසන ආකාරයට, අද දවසේ බස්නාහිර, සබරගමුව, දකුණු, ඌව, මධ්‍යම, වයඹ සහ උතුරු මැද පළාත් වලත් මන්නාරම දිස්ත්‍රික්කයේත් තැනින් තැන සවස් කාලයේදී හෝ රාත්‍රී කාලයේදී වැසි හෝ ගිගුරුම් සහිත වැසි ඇති වේ.

 

ඇතැම් ස්ථාන වලට මි. මී. 50 ට වැඩි තරමක් තද වැසි ද ඇති විය හැක.

 

දකුණු මුහුදුබඩ ප්‍රදේශ වල උදේ කාලයේදී ද වැසි ස්වල්පයක් ඇති විය හැක.

 

ගිගුරුම් සහිත වැසි සමග ඇතිවිය හැකි තාවකාලික තද සුළං වලින් සහ අකුණු මගින් සිදු වන අනතුරු අවම කර ගැනීමට අවශ්‍ය පියවර ගන්නා ලෙස ජනතාවගෙන් කාරුණිකව ඉල්ලා සිටිනු ලැබේ.

 

දෘශ්‍ය ලෙස සූර්යයා උතුරට ගමන් කිරීමේදී සූර්යයා, අප්‍රේල් මස 05 සිට 15 දක්වා දිනවල දී ශ්‍රී ලංකාව ආශ්‍රිත අක්ෂාංශ වලට සෘජුවම ඉහලින් පවතී.

 

අද දින දහවල් 12:13 ට උඩුගම, නෙළුව, මඩුවන්වෙල, කුඹුක්වැව සහ යාල යන ප්‍රදේශ වලට හිරු මුදුන් වනු ඇත.

 

පුත්තලම සිට කොළඹ, ගාල්ල සහ මාතර හරහා හම්බන්තොට දක්වාවෙරළට ඔබ්බෙන් වන මුහුදු ප්‍රදේශ වල තැනින් තැන රාත්‍රී කාලයේදී වැසි හෝ ගිගුරුම් සහිත වැසි ඇති වේ.

 

සුළං ගිණිකොන සිට නිරිත දක්වා වන දිශා වලින් හමා එන  අතර සුළඟේ වේගය පැ.කි.මී. 20-30 පමණ වේ.

 

දිවයින වටා වන මුහුදු ප්‍රදේශ සාමාන්‍ය ස්වභාවයේ පවතී.

 

ගිගුරුම් සහිත වැසි ඇති වන විට එම මුහුදු ප්‍රදේශ වල තාවකාලිකව තද සුළං ඇති විය හැකි අතර, එවිට එම මුහුදු ප්‍රදේශ තාවකාලිකව ඉතා රළු විය හැක.

 

ප්‍රධාන  නගර සදහා කාලගුණ අනාවැකිය
නගරය	උෂ්ණත්වය (සෙ. අංශක)		සාපේක්ෂ ආර්ද්‍රතාවය (%)		කාලගුණය
	උපරිම	අවම	උපරිම	අවම
අනුරාධපුරය	35	24	95	50	ප්‍රධාන වශයෙන් වැසි රහිත
මඩකලපුව	33	25	90	65	වැසි ස්වල්පයක්
කොළඹ	32	25	90	70	සවස 4.00 න් පසුව වැසි හෝ ගිගුරුම් සහිත වැසි ඇති  විය හැක
ගාල්ල	31	25	90	75	සවස 2.00 න් පසුව වැසි හෝ ගිගුරුම් සහිත වැසි ඇති වේ
යාපනය	34	24	95	60	ප්‍රධාන වශයෙන් වැසි රහිත
මහනුවර	32	22	95	60	ප්‍රධාන වශයෙන් වැසි රහිත
නුවරඑළිය	23	11	95	65	සවස 4.00 න් පසුව වැසි හෝ ගිගුරුම් සහිත වැසි ඇති  විය හැක
රත්නපුරය	35	23	95	60	සවස 2.00 න් පසුව වැසි හෝ ගිගුරුම් සහිත වැසි ඇති වේ
ත්‍රිකුණාමලය	33	25	90	60	ප්‍රධාන වශයෙන් වැසි රහිත
මන්නාරම	34	25	90	65	සවස 4.00 න් පසුව වැසි හෝ ගිගුරුම් සහිත වැසි