රථවාහන දඩමුදල් ගෙවීමට සහන කාලයක්

අප්‍රේල් 11 සහ 12 දෙදින රජයේ නිවාඩු වූ නිසා ගෙවීමට නොහැකි වූ රථ වාහන දඩ පත්‍රිකා අතිරේක දඩ මුදල් රහිතව ගෙවීම සඳහා අප්‍රේල් 23 දක්වා සහන කාලයක් ලබා දී තිබේ.

 

 

ඒ අනුව මාර්තු 29 වනදා සිට අප්‍රේල් 12 දක්වා (එම දින දෙකද ඇතුළත්ව) නිකුත්කර ඇති දඩ පත්‍රිකා අතිරේක ගාස්තු රහිතව 23 වනදා දක්වා ඕනෑම තැපැල් කාර්යාලයකින් හෝ උප තැපැල් කාර්යාලයකින් ගෙවිය හැකි බව තැපැල්පතිවරයා අවධාරණය කරයි.

 

මුදල් අමාත්‍යාංශයේ ලේකම්ගේ ආවරණ අනුමැතියට යටත්ව මෝටර් වාහන පනතේ 215 (අ) වගන්තිය අනුව දඩමුදල් දෙගුණයක් වීමේ කාලය නොසලකා මෙම දඩමුදල් ගෙවීමට 23 වනදා දක්වා සහන කාලයක් ලබා ද ඇති බව තැපැල්පතිවරයා වැඩිදුරටත් කීය.