නිවසට පැමිණ කඩුවකින් කොටා එක්දරු පියා ඝාතනය කරයි
යම් පිරිසක් නිවසට පැමිණ කඩුවකින් පහරදීමෙන් බරපතල තුවාල ලබා ප්‍රතිකාර සඳහා කරාපිටිය ශික්ෂණ රෝහලට ඇතුලත් කිරීමේදී 23 හැවිරිදි පුද්ගලයෙක් අද අලු‍යම මියගිය බව වඳුරඹ පොලීසිය සඳහන් කරයි.
මෙසේ මියගොස් තිබෙන්නේ වඳුරඹ ඉහළ කීඹිය, විවරුගොඩ පදිංචිව සිටි ගම ආරච්චිගේ සසී මධුශංක නැමැති එක්දරු පියෙකි.
මෙම ඝාතනය සම්බන්ධයෙන් එම ප්‍රදේශයේම සිව්දෙනෙක් සැකකරනු ලබන අතර ඔවුන් මේ වනවිට ප්‍රදේශයෙන් පලාගොස් ඇති අතර පොලීසිය ඔවුන් අත්අඩංගුවට ගැනීම සඳහා පරික්ෂණ ආරම්භ කර තිබේ.
කාලයක් තිස්සේ පැවති ආරවුලක් මෙම ඝාතනයට හේතුවී තිබෙන බවට පොලීසිය සැකකරයි.
මෙම ඝාතනයට සම්බන්ධ මහෙස්ත්‍රාත් පරික්ෂණය අද(25) සිදුකිරීමට නියමිතව තිබිණි.
මියගිය පුද්ගලයාගේ සිරුර පශ්චාත් මරණ පරික්ෂණය සඳහා කරාපිටිය ශික්ෂණ රෝහලේ මෘත ශරිරාගාරයේ තබා තිබේ.
වඳුරඹ පොලීසිය සිදුවීම සම්බන්ධයෙන් වැඩිදුර පරික්ෂණ සිදුකරයි.
7099 Views
Comments