ෆිජීත් මෙහෙ වගේමයි - මිස් යුනිවර්ස් කිරුළ පළමුවැනියාගෙන් ගළවා දෙවැනියාට දීලා

දකුණු පැසිෆික් සාගරයේ පිහිටි දූපතක් වන ෆීජීහි රූප රැජිණ තරගයකදී සිදුවූ අලකලංචියක් ජාත්‍යන්තර මාධ්‍ය තුළ ප්‍රමුඛ පුවතක් මවා තිබේ. ෆීජීහි පර්ල් රිසෝට්හි පසුගියදා ෆිජී මිස් යුනිවර්ස් වෙනුවෙන් පැවති තරගයේදී අවුරුදු 24ක් වූ MBA සිසුවියක වන මන්ෂිකා ප්‍රසාද් මිස් ෆීජී ලෙස කිරුළු පැළඳී තිබුණි.

 

ඉන්දියානු සම්භවයෙන් පැවති එන මන්ෂිකා එදින සතුටින් ගත කළ නමුත් ඉන් ටික වේලාවකට පසු, විනිසුරුවන්ගෙන් එක් අයෙකු පැවසූ පරිදි, රූ රාජිනි තරඟයේ දේවල් "වෙනස්" විය.ඊළඟ දින කිහිපය තුළදී රූ රාජිනියන් කිරුළු පැළඳවීම සහ ඉවත් කිරීම, දරුණු චෝදනා එල්ල කිරීම සහ අවසානයේ තරඟකරුවන්ගෙන් එක් අයෙකු සමඟ ඉතා පෞද්ගලික සම්බන්ධයක් ඇති අඳුරු චරිතයක් මතු වීම දක්වා දිව ගියේය.

 

ඇයගේ ජයග්‍රහණයෙන් දින දෙකකට පසු මිස් යුනිවර්ස් ෆීජී (MUF) විසින් නිකුත් කළ මාධ්‍ය නිවේදනයකින් මන්ෂිකා දැන ගත්තේ යමක් වැරදි බවයි. එහි සඳහන් වූයේ "මූලධර්මවල බරපතල උල්ලංඝනයක්" සිදු වී ඇති බවත්, "සංශෝධිත ප්‍රතිඵල" ඉක්මනින් ප්‍රසිද්ධ කරනු ලබන බවත්ය.

 

පැය කිහිපයකට පසු, නොවැම්බර් මාසයේදී මෙක්සිකෝවේදී පැවැත්වෙන මිස් යුනිවර්ස් තරඟය සඳහා ඇය සහභාගී නොකරන බව දන්වා තිබුණි.

ඒ වෙනුවට, එම තරගයේ දෙවැනි තැන දිනූ සිඩ්නි නුවර සිටින වයස අවුරුදු 30ක් වූ නිරූපිකාවක සහ දේපළ සංවර්ධකයෙකු වන නාඩීන් රොබට්ස් ඇයගේ ස්ථානය ගනු ඇත. රොබට්ස්ගේ මව ෆීජි ජාතිකයෙකි.

මාධ්‍ය නිවේදනයේ චෝදනා කළේ "නිවැරදි ක්‍රියා පටිපාටිය" අනුගමනය කර නොමැති බවත්, උත්සවයේ කළමනාකරුට මූල්‍යමය ප්‍රතිලාභ ලබා ගැනීම සඳහා "ෆීජි ඉන්දියානු" තරඟකරුවෙකු ජයග්‍රහණය කිරීමට වාසි සහගත වන පරිදි ඡන්ද විමසීමක් හරහා මන්ෂිකා ප්‍රසාද් තෝරාගෙන ඇති බවත්ය.

ඇය කම්පාවට පත්ව ප්‍රකාශයක් නිකුත් කරමින් කියා සිටියේ තමා සමාජ මාධ්‍ය භාවිතයෙන් විවේකයක් ගන්නා බවත්, නමුත් "මහජනතාව නොදන්නා බොහෝ දේ" ඇති බවය.

 

දැනට වාර්තාවන ආකාරයට මුල් තරගයේදී දෙවැනියා ලෙස තේරුණ නාඩීන් රොබට්ස් ඕස්ට්‍රෙලියානු ව්‍යාපාරිකයෙකු හා විවාහවීමට සිටින්නීය. ඔහු මෙම විනිසුරු මණ්ඩලයට කළ බලපෑමක් නිසා ප්‍රතිඵලය වෙනස් කරගෙන තිබේ.