සමාජ ජාලා කළඹමින් අතුරුදන් වූ සරසවි සිසුවිය සුදීක්ෂා ගැන ඇහෙන ශෝක ජනක පුවත

පසුගිය දිනවල අන්තර්ජාලය කැළඹීමට ලක් කළ ඇමරිකාවේ පිට්ස්බර්ග් විශ්ව විද්‍යාලයේ වෛද්‍ය විද්‍යාව හදාරමින් සිටි වයස අවුරුදු 20ක සුදික්ෂා කොනන්කි නම් සිසුවිය ඩොමිනිකන් රිපබ්ලික් හි පුන්ටා කානා වෙරළේ සවාරියක යෙදී සිටියදී විශාල රළ පහරකට හසුවී මුහුදු ගිලී මිය ගොස් ඇති බව ඇමරිකානු ඒබීසී පුවත් ඔස්සේ වාර්තා කර තිබේ.

 

පොලිස් වාර්තාවක් උපුටා දක්වමින් සඳහන් කරන්නේ මෙම දුක්ඛදායක සිද්ධිය 2025 මාර්තු 5 වන දින සිදුවී ඇති බවයි. ඉන්දීය සිසුවියක වන සුදික්ෂා කොනන්කි සහ ඇගේ මිතුරන් පස් දෙනෙකු කැරිබියන් මුහුදු තීරයේ පිහිටි නිවාඩු නිකේතන නගරයක් වන පුන්ටා කානා වෙරළේ ඇවිදිමින් සිටියදී මෙම සිද්ධිය සිදු වී ඇත.

 

වාර්තා අනුව, සුදික්ෂා කොනන්කි සහ ඇගේ මිතුරු කණ්ඩායමෙන් සිව්දෙනෙකු සවස් වරුවේදී ඔවුන්ගේ හෝටලයට ආපසු පැමිණ ඇති අතර, කොනන්කි සහ ඇගේ මිතුරියක් වෙරළේ රැඳී සිට ඇත.

 

ඉන්පසු මෙම දෙදෙනා මුහුදේ දිය නාන්නට ගොස් ඇති අතර, එහිදී කොනන්කි දැවැන්ත රළ පහරකට හසුවී ගිලී ගොස් මිය ගොස් ඇති බව සැක කෙරේ.

 

ඩොමිනිකන් රිපබ්ලික් රජයේ මහජන අමාත්‍යාංශය ඒබීසී පුවත් වෙත දන්වා ඇත්තේ, ආරක්ෂක කැමරා පටිගත කිරීම්වලින් කොනන්කි මාර්තු 6 වන දින පෙරවරු 4:15ට පමණ වෙරළේ සිටින අයුරු දක්නට ලැබුණු බවත්, එය ඇය ජීවතුන් අතර දකින ලද අවසාන අවස්ථාව බවත් ය.

 

කොනන්කි අතුරුදහන් වීමෙන් පසුව පොලීසිය ඇගේ මිතුරන්ගෙන් ප්‍රශ්න කර ඇති අතර, කිසිදු සැක දෙයක් ඉතිරි නොකර නිදහස් කර ඇත.

 

ඩොමිනිකන් රිපබ්ලික් හි සිවිල් ආරක්ෂක අංශය, ඒ රටේ නාවික හමුදාව, සහ ස්ථානීය බලධාරීන් ඒකාබද්ධව සුදික්ෂා කොනන්කි සොයා වෙරළ තීරය සහ ඒ අවට මුහුදු ප්‍රදේශ පුරා සෝදිසි මෙහෙයුම් ක්‍රියාත්මක කරමින් සිටින අතර තවම ඇයගේ සිරුර සොයාගෙන නැත.

 

සුදික්ෂා කොනන්කිගේ පවුල ඇගේ අතුරුදහන් වීම සම්බන්ධයෙන් දැඩි සේ කම්පාවට පත්ව සිටින අතර,
පිට්ස්බර්ග් විශ්ව විද්‍යාලයේ සුදික්ෂාගේ මිතුරියන් මාධ්‍ය වෙත ප්‍රතිචාර දක්වමින් ඇය “දයාබර, බුද්ධිමත්, සහ ඉතා කැපවීමෙන් අධ්‍යාපන කටයුතුවල නිරත වූ සිසුවියක්” ලෙස විස්තර කර ඇත.