විකිලීක්ස් අසාන්ජ්ව ඇමෙරිකාවට පිටුවහල් කළ නොහැකියි - අධිකරණය තීන්දු කරයි

විකිලීක්ස් නිර්මාතෘ ජූලියන් අසාන්ජ්ව එක්සත් ජනපදයට පිටුවහල් කළ නොහැකි බව ලන්ඩනයේ උසාවියක් තීන්දු කර තිබෙනවා.

 

විනිසුරුවරයා එම ඉල්ලීම අවහිර කළේ අසාන්ජ් මහතාගේ මානසික සෞඛ්‍යය සහ එක්සත් ජනපදයේ සියදිවි නසා ගැනීමේ අවදානම පිළිබඳව සැලකිලිමත් වීම හේතුවෙන්.

 

49 හැවිරිදි ඔහු 2010 සහ 2011 වර්ෂවලදී රහසිගත ලේඛන දහස් ගණනක් ප්‍රකාශයට පත් කිරීම සම්බන්ධයෙන් අවශ්‍ය වී තිබූ අයෙක්.

 

එක්සත් ජනපදය කියා සිටින්නේ රහසිගත දෑ ප්‍රකාශනය සම්බන්ධ නීතිය කඩ කර ජීවිත අනතුරේ හෙළන බවයි.

 

අසාන්ජ් මහතා පිටුවහල් කිරීමට එරෙහිව ගොනුකර ඇති නඩුව දේශපාලන උවමනාවක් බව පැවසෙනවා.

 

අභියාචනයක් ඉදිරිපත් කිරීමට එක්සත් ජනපද බලධාරීන්ට දින 14 ක කාලයක් ඇති අතර එසේ කිරීම අපේක්ෂා කෙරේ.

 

අසාන්ජ් මහතා දැන් ඔහු රඳවා සිටින බෙල්මාර්ෂ් බන්ධනාගාරයට ගෙන යනු ලබන අතර ඔහුගේ ඇප සඳහා සම්පූර්ණ අයදුම්පතක් බදාදා ඉදිරිපත් කෙරේ.

 

ඔහුගේ නීතිඥ එඩ් ෆිට්ස්ජෙරල්ඩ් QC අධිකරණයට කියා සිටියේ අසාන්ජ් මහතා පලා නොයන බවට සාක්ෂි ඇති බවයි.