කන්දකාඩු සිද්ධියේ වාර්තාව අධිකරණ ඇමතිට

පසුගියදා කන්දකාඩු පුනරුත්ථාපන මධ්‍යස්ථානයේ ඇති වූ ගැටුම සම්බන්ධයෙන් වන වාර්තාව අධිකරණ අමාත්‍යවරයා වෙත භාරදුන් බව පුනරුත්ථාපන කොමසාරිස් ජනරාල් මේජර් ජෙනරාල් දර්ශන හෙට්ටිආරච්චි මහතා ප්‍රකාශ කර සිටිනවා.

 

මේ අතර මෙම සිද්ධිය සම්බන්ධයෙන් අත්අඩංගුවට ගත් යුධ හමුදා සහ ගුවන් හමුදා සෙබළුන් හතර දෙනා මේ වන විට රක්ෂිත බන්ධනාගාර ගත තිබෙන බවද ඔහු තවදුරටත් සඳහන් කර සිටියා.

 

අදාල සිද්ධියෙන් මරණයට පත්වූ පත්වූ රැඳවියා දෙමෝදර ප්‍රදේශයේ පදිංචි 36 හැවිරිදි අයෙකු වන අතර ඔහුගේ මරණය මොට ආයුධවලින් පහර දී සිදුවූවක් බව පසුගියදා මරණ පරීක්ෂණයේ දී හෙළි වී තිබුණා.

 

එසේම මොහුට අමානුෂික ලෙස පහරදුන් බවට සැක කෙරෙන උණ පතුරු සහ විදුලි රැහැනක්ද එම මධ්‍යස්ථානයේ තිබී පොලිසිය සොයාගෙන තිබුණ අතර ඒවා නඩු භාණ්ඩ ලෙස අධිකරණයට ඉදිරිපත් කර තිබෙනවා.