තැපැල් සේවකයොත් ⁣පාරට බසී

රට තුළ පවතින දැඩි වියවුල්කාරී දේශපාලන වාතාවරණය හේතුවෙන් මේ වනවිට විශාල ආර්ථික අවපාතයකට ශ්‍රී ලංකාව මුහුණ පා ඇති බව ශ්‍රී ලංකා තැපැල් සේවා මාණ්ඩලික නිලධාරින්ගේ සංගමය පවසනවා.

නිවේදනයක් නිකුත් කරමින් ඔවුන් සඳහන් කරන්නේ, ආර්ථික උද්ධමනය ශීඝ්‍රයෙන් ඉහළ ගොස් ඇති පසුබිමක තම වෘත්තිය ද දැඩි අපහසුතාවක පත්ව ඇති බවයි.

මේ හේතුවෙන් රට පවතින අර්බුද තුළින් යළි ගොඩගැනීමට අද වනවිට අඛණ්ඩව ගාලුමුවදොර පැවැත්වෙන නිර්පාක්ෂික අරගලයට සහාය දැක්වීමට එළඹෙන 28 වැනි දින ඇරඹෙන එක් දින රාජ්‍ය සහ පෞද්ගලික අංශ වෘත්තීය වැඩ වර්ජනයට තම සංගමය ද සියලු ජය්ෂ්ඨ සහ කනිෂ්ඨ නිලධාරින් හා එක්වන බව එම නිවේදනයේ වැඩිදුරටත් සඳහන්.