අතහැර ගොස් තිබූ ඖෂධ තොගයක් මන්නාරමෙන් හමුවේ

පොලිතින් උර වල අසුරා අතහැර දමා ගොස් තිබූ ඖෂධ තොගයක් මන්නාරම නඩුකුඩා වෙරළ ප්‍රදේශයේ තිබී සොයාගැනීමට නාවික හමුදාව සමත්වී තිබෙනවා.

මෙම ඖෂධ තොගයේ දල වටිනාකම රුපියල් ලක්ෂ 45කට අධික බවයි ඔවුන් පවසා සිටින්නේ.

මුහුදු මාර්ගයෙන් නීති විරෝධීව මෙරටට ගෙන ආ මෙම ඖෂධ තොගය නාවික හමුදා මෙහෙයුම් හේතුවෙන් ජාවාරම්කරුවන් විසින් මුහුදට දමා යන්නට ඇති බව සැක කෙරෙනවා.