ජපන් විදේශ ඇමති එලඹෙන මාසයේදී ශ්‍රී ලංකාවට

විදේශ අමාත්‍ය Yoshimasa Hayashi ගෝලීය දකුණු ජාතීන් සමඟ සහයෝගිතා සබඳතා ශක්තිමත් කිරීම සඳහා ආසියානු සහ අප්‍රිකානු රටවල් හයක සංචාරය කිරීමට සැලසුම් කරයි.

 

මාධ්‍ය හමුවකදී අදහස් දක්වමින් Hayashi පැවසුවේ මෙම සංචාරය මේ මස අග සිට අගෝස්තු මස මුල දක්වා සිදු වන අතර ඉන්දියාව, ශ්‍රී ලංකාව, මාලදිවයින, දකුණු අප්‍රිකාව, උගන්ඩාව සහ ඉතියෝපියාව යන රටවල සංචාර ඇතුළත් වන බවයි.

 

මේ සියල්ල නැගී එන සහ සංවර්ධනය වෙමින් පවතින රටවල් ලෙස සැලකේ.

 

ඉන්දියාවේ සිටින අතරතුර, හයාෂි අගමැති නරේන්ද්‍ර මෝදි හමුවනු ඇති අතර, රාජ්‍ය නිලධාරීන් සහ ව්‍යාපාරික නායකයින් සහභාගී වන ජපන්-ඉන්දියා සංසදයේදී දේශනයක් පැවැත්වීමටද අපේක්ෂා කෙරේ.

 

එමෙන්ම ආර්ථික වශයෙන් අස්ථාවර ශ්‍රී ලංකාවේ ණය ගැටලු පිලිබඳවද ඔහු මෙම සංචාරයේදී සාකච්ඡා කරනු ඇත.