සංගීත භාණ්ඩ අලෙවිසැලකින් ගිටාරයක් සොරකම් කළ අයෙක් අත්අඩංගුවට

ෆුකුඕකා ප්‍රාන්ත පොලිසියේ හකාටා පොලිස් ස්ථානය විසින් මිල අධික ගිටාර් එකක් සොරකම් කිරීම සම්බන්ධයෙන් සැකපිට 43 හැවිරිදි රැකියා විරහිත පුද්ගලයෙකු අත්අඩංගුවට ගන්නා ලදී.

 

මෙම පුද්ගලයා පෙබරවාරි 25 දින පෙරවරු 10.40 ට පමණ ෆුකුඕකා නගරයේ හකාටා ස්ටේෂන් චුඕ-ගයි, හකාටා-කු හි සංගීත භාණ්ඩ ගබඩාවකින් ගිටාරයක් සොරකම් කළ බවට සැක කෙරේ.  

 

එහි වටිනාකම යෙන් 544,500 බව වාර්තා වේ.

 

ඔහු ගිටාරය එදිනම නගරයේ වෙනත් සංගීත භාණ්ඩ වෙළඳසැලකට ගෙන ගොස් විකුණා ඇත.  

 

පසුව වෙළඳසැලේ ආරක්ෂිත කැමරාවේ දර්ශනවලින් ඔහු හඳුනාගෙන අත්අඩංගුවට ගෙන තිබේ.