ගවුම් අඳින පිරිමියෙක් ගංජා සමඟ අත්අඩංගුවට

කාන්තා ගවුමකින් සැරසී මානසික රෝගයක් ලෙස හැසිරෙමින් රහසිගතව ගංජා විකිණීමේ නිරත වූ පුද්ගලයෙකු මහරගම පොලීසිය විසින් අත්අඩංගුවට ගෙන ඇත.

 

අත්අඩංගුවට පත්වන අවස්ථාවේදී සැකකරු සන්තකයේ තිබී ගංජා මිලි ග්‍රෑම් 7000ක් පොලිසිය භාරයට ගැනුණි.

 

මහරගම පීටර් සමරතුංග මාවතෙහි පදිංචිකරුවෙකු වන මොහු මානසික රෝගයකින් පෙළෙන අයෙකු ලෙස හැසිරෙමින් ගංජා වෙළඳාමේ නිරත වන බවට පොලිස් බුද්ධි ඒකකයට ලැබුණු තොරතුරක් මත සැකකරුව අත්අඩංගුවට ගෙන ඇත.

 

අත්අඩංගුවට පත්වන අවස්ථාවේද රතු පැහැති ගවුමකින් සැරසී සිටි ඔහු පරික්ෂා කිරීමේදී ගවුමට යටින් තිබූ කලිසම් සාක්කුවේ තිබුණු විකිණීමට සූදානම් කෙරුණු ගංජා තොගය සොයා ගැනීමට පොලිසිය සමත් විය.