ගිනිකෙළි නිෂ්පාදනකරුවන් අමාරුවේ

මෙවර සිංහල දෙමළ අලුත් අවුරුද්ද වෙනුවෙන් අලෙවි කිරීමට තිබූ රුපියල් ලක්ෂ විස්සක් පමණ වටිනා රතිඤ්ඤා ඇතුළු ගිනිකෙළි නිෂ්පාදනවලින් අඩක්වත් අලෙවි කර ගැනීමට නොලැබුණු බව සමස්ත ලංකා ගිනිකෙළි නිෂ්පාදකයන්ගේ සංගමය පැවසීය.

 

 

ගිනිකෙළි නිෂ්පාදනවල අමුද්‍රව්‍ය මිල ඉහළ යාමත් සමග රතිඤ්ඤා, නිලා කූරු සහ බඹර චක්‍ර ආදී නිෂ්පාදන වෙනුවෙන් පෙර වසරට වඩා වැඩි නිෂ්පාදන පිරිවැයක් දැරීමට සිදුවූ බව එම සංගමයේ සභාපති දිනේශ් ප්‍රනාන්දු අරුණට කීවේය.

 

 

මේ හේතුවෙන් රුපියල් 20 -30කින් පමණ සියලුම ගිනිකෙළි නිෂ්පාදනවල මිල ඉහළ දමා ඇතැයිද හෙතෙම පැවසීය.