යුගදනවි බලාගාරය ගැන අමාත්‍ය මණ්ඩල තීරණය ට එරෙහිව මූලික අයිතිවාසිකම් පෙත්සමක්

යුගදනවි බලාගාරය හිමි සමාගමේ රජය සතු කොටස් අමෙරිකානු සමාගමක් වෙත පැවරීමට අමාත්‍ය මණ්ඩලය ගත් තීරණය බලරහිත කිරීමේ නියෝගයක් නිකුත් කරන ලෙස ඉල්ලා ශ්‍රේෂ්ඨාධිකරණයට මූලික අයිතිවාසිකම් පෙත්සමක් ඉදිරිපත් වී තිබේ.

 

 

කොළඹ අගරදගුරු අතිඋතුම් කාදිනල් මැල්කම් රංජිත් හිමිපාණන් සහ පූජ්‍ය ඇල්ලේ ගුණවංශ හිමි විසින් අදාළ පෙත්සම ඉදිරිපත් කළ බව "අද දෙරණ" අධිකරණ වාර්තාකරු පැවසුවේය.

 

 

එහි වගඋත්තරකරුවන් ලෙස  මහින්ද රාජපක්ෂ මහතා ඇතුළු අමාත්‍ය මණ්ඩල සාමාජිකයින්, යුගදනවි  බලාගාරය හිමි වෙස්ට් කොස්ට් පවර්  ප්‍රයිවට් ලිමිටඩ් සමාගම, එහි කොටස් පවරනු ලැබූ අමෙරිකානු සමාගම වන නිව් ෆෝට්රස් එනර්ජි සමාගම,  නීතිපතිවරයා ඇතුළු 54 දෙනෙකු නම් කර තිබේ.