ජනපති මන්දිරයේ කෞතුක භාණ්ඩ ලේඛනගත නොවීම හේතුවෙන් පරීක්ෂණ අවුලක
අරගලකරුවන් අත්පත් කරගෙන සිටි කොටුව ජනාධිපති මන්දිරය සහ ජනාධිපති ලේකම් කාර්යාලයේ තිබූ පෞරාණික භාණඩ ලේඛන ගත නොකිරීම හේතුවෙන් එහි තිබූ පෞරාණික භාණ්ඩ කොපමණ ප්‍රමාණයක් අස්ථානගත වී ඇත්දැයි අනාවරණය කර ගැනීමට නොහැකි වී ඇති බව පුරා විද්‍යා අධ්‍යක්ෂ ජනරාල් මහාචාර්ය අනුර මනතුංග පරික්‍ෂණ මෙහෙයවන පොලිස් නිලධාරින්ට ලිඛිතව දැනුම් දී තිබේ.
ජනාධිපති ගැසට් නොකිරීමෙන් එහි තිබූ පෞරාණික භාණ්ඩ සම්බන්ධයෙන් නිවැරැදි ලේඛනයක් පුරාවිද්‍යා දෙපාර්තමේන්තුව සතුව නොමැති බවත් අධ්‍යක්ෂ ජනරාල්වරයා දැනුම් දී ඇති බව පොලිස් ආරංචි මාර්ග සඳහන් කරයි.
අරගලකරුවන් ඉකුත් 09 වැනිදා අත්පත්කරගෙන සිටි කොටුව ජනාධිපති මන්දිර ගොඩනැගිල්ලට හානියක් සිදුව නොමැති බවත්, එහෙත් එම ගොඩනැගිල්ලේ බිත්ති මත කුරුටුගෑම්, පළුදු කිරිම් වැනි හානි සිදුවී ඇති බවත් මෙතෙක් කළ විමර්ෂනයේදී අනාවරණය වූ බවත් පුරා විද්‍යා දෙපාර්තමේන්තුව පොලිසියට දැනුම් දී තිබේ.
ගොඩනැගිල්ල අභ්‍යන්තරයේ පෞරාණික ගෘහභාණ්ඩ කිහිපයකට හානි සිදුව ඇති අතර එහි ප්‍රධාන පියගැටපෙළේ අත්වැට කැඩී විනාශ වී ඇති බවත් පුරාවිද්‍යා දෙපාර්තමේන්තුව පොලිසියට දන්වා ඇත.
පුරාවිද්‍යා දෙපාර්තමේන්තුවේ කණ්ඩායමක් අරගලකරුවන් ජනධිපති මන්දිරභූමියේ රැඳී සිටියදීම එම භූමියේ ආරක්ෂාව තහවුරු කරමින් පසුගිය 12 වැනිදා දනුවත් කිරීමේ පුවරුවක් සවිකර ඇත.
පුරාවිද්‍යා ආරක්ෂක ස්මාරක බව දැක්වෙන පුවරු කිහිපයක් ඉදිරියේදීද ගොඩනැගිල්ලේ සවිකිරිමට පුරාවිද්‍යා දෙපාරතමේන්තුව කටයුතු කරමින් සිටින බව පුරාවිද්‍යා දෙපාර්තමේන්තුව දැනුම්දී තිබේ.
262 Views
Comments