සහතික මිලට බෙදන්න ගෙනා හාල්වල ගුල්ලෝ

රජය ආරම්භ කර ඇති සහතික මිලට සහල් ලබාදීමේ වැඩපිළිවෙළ සදහා එරාවුර් ප්‍රදේශයෙන් ගෙනා නාඩු සහල් කිලෝ 20,000ක් පමණ ගුල්ලන් ගසා තිබීම නිසා ඉවත් කර තිබේ.

 

අද උදෑසන සතොස සහල් ගබඩාවට ගෙන ආ මෙම සහල් තොගය රැගත් කන්ටේනර් රථයේ තත්ත්ව පරීක්ෂාව සිදු කිරීමේ දී මෙලෙස ගුල්ලන් සිටින බව හඳුනාගෙන ඇත.

 

එම කන්ටේනරය භාවිතයෙන් ඉවත්කලද එම සහල් අයිතිකරු විසින්ම තවත් සහල් කන්ටේනර තුනක්ද එවා තිබුණු බවද වාර්තා වේ.

 

මෙම ගුල්ලන් ගසන ලද සහල් තොගය අද වෙළද අමාත්‍ය බන්දුල ගුණවර්ධන මහතාගේ ද නිරීක්ෂණයට ලක් විය.