අගෝස්තුවේ පාසල් විවෘත කරන බව අධ්‍යාපන ඇමති කියයි

දිවයිනේ සියලුම පාසල් ලබන මස අග විවෘත කිරීමට බලාපොරොත්තු වන බව අධ්‍යාපන අමාත්‍ය මහාචාර්ය ජී එල් පීරිස් මහතා පැවසීය.

 

අමාත්‍යවරයා වැඩිදුරටත් සඳහන් කලේ ඒ සඳහා අවශ්‍ය සියලු‍ කටයුතු සූදානම් කෙරෙමින් පවතින බවයි.

 

මේවන විට රට පුරා පාසල් ගුරුවරුන්ගෙන් සියයට 63කටද බස්නාහිර පළාතේ  ගුරුවරුන්ගෙන් සියයට  97කටද කොවිඩ් මර්දන එන්නත ලබාදී ඇති බවද ඔහු පැවසුවේය.

 

සෙසු ගුරුවරුන්ටද ඉදිරි දිනවල කඩිනමින් එන්නත ලබාදීමට කටයුතු කරගෙන යන බව මහාචාර්යවරයා කීවේය.