“තුන් වේලම කන්න දීලා, ඇඳුම් අරන් දීලා, ලස්සනට හැඩකරලා මනුස්සයෙක් කරා” - රහල් අල්විස් සැර වුණේ කාටද?

ගීත කලාවෙන් කාගෙත් හිත් දිනූ රහල් අල්විස් කියන්නෙ සමාජ මාධ්‍යයේ නිතර කතාබහට ලක්වන චරිතයක්.

 

විටෙක ඔහු ගැන හුවමාරු වන සටහන් වඩාත් ආන්දෝලනාත්මක වූ ඒවා.

 

ඒ කොහොම වුණත් රහල් කෙරෙහි ඇති රසික ආකර්ෂණය නම් අඩුවන එකක් නෙවෙයි.

රහල් සැලෝන් එකක හිමිකරුවෙක් ද වන බව ඔබ හොඳින්ම දන්නවා ඇති.

 

ඊට සම්බන්ධව ඔහු තබන ලද සටහනක් මේ වෙද්දි සමාජ මාධ්‍යයේ සෑහෙන ප්‍රතිචාරයක් ලබමින් හුවමාරු වෙන්න අරන්.

 

මේක ටිකක් විතර සැර කතාවක් !

 

''කතුරක් අතින්වත් අල්ලලා නැති එකෙක්ට මගෙම කතුරයි පනාවයි දුන්නේ

" හම්බ කරලා පිරිමියෙක් වෙලා අහින්සක අම්මවයි තාත්තවයි බලාගනින් " කියලයි.

මාත් හම්බ කරන් මගෙ මුලු පවුලම බලාගන්නේ ඒ කතුරයි පනාවෙන්ම තමයි.

උබලට ඒක නිකන්ම නිකන් කතුරක් පනාවක් උනාට යකෝ කොන්ඩේ කපන මිනුස්සුගේ හදවත.

සැලුන් එකක හදවත තමයි කතුරයි පනාවයි කියන්නේ.

ඇස් දෙකට දැකපු නැති එකෙක්ට එන්න ඉඩ දීලා මාස 3ක් තුන් වේලම කන්න දීලා

තේ එකේ ඉදන් නිදාගන්න Fan එකේ ඉදන්

ඇදුම් අරන් දීලා සපත්තු අරන් දීලා

ඌව ලස්සනට හැඩ කරලා මනුස්සයෙක් කරාට මගෙ ඉරිසියාව.

සැලුන් එකේ සල්ලි නැති වෙද්දි හැමෝම අයින් කරන්න කරන්න කියද්දිත්

" මල්ලි එහෙම ආයෙ කරන්න එපා වැඩ කරලා හම්බ කරපන් "

කියලා තියාගත්ත මගේ ඉරිසියාව.

December කියන්නේ ඕනම සැලුන් එකක කන්නවත් ඉදගන්නවත් බැරි දවස්.

Dec 29 පට්ට ම Busy දවසේ මන් යනවා කියලා හිතන්නෙවත් නැති වෙලාවක කිව්වාම සැලූන් එකක වැඩ කරන අනිත් එවුනුත් අනාත උන මගෙ ඉරිසියාව.

ඒත් යන දවසේ අතට සල්ලිත් දීලා

" උබට ජයවේවා මල්ලි " කියලා පිටට තට්ටුවකුත් දාල උගෙ හිත රිද්දන් නැතිව පිටත් කරපු මගෙ ඉරිසියාව.

ඌට වැඩ උගන්වපු අපේ සන්ජු සහ සම්පත්

" බොසා මූ ගිහින් සතියකින් සැලූන් එකක් දාලනනේ. වැඩ පුරුදු කරපු අපිටවත් කිව්වේ නෑනේ නේ බලන්නකෝ "

කියලා Facebook එකෙන් පෙන්නද්දි

" කමක් නෑ බන් කොන්ඩෙ කපල කීයක් හරි හොයන් ලස්සනට ජීවත් වෙයිනේ "

කියලා ඒ දිහා බලල සතුටු උනු මගේ ඉරිසියාව.

 

 

වෙනද වගේම මගේ කතුරට පනාවට වැදලා ඇස් දෙක පියාගෙන ප්‍රාර්ථනා කරලා කතුරයි පනාවයි ගන්න මන් එදා සැලූන් එකේ වැඩ කරන්න හදද්දි

මන් ආදරෙන් පිහදාලා හදවත වගේ රැක බලා ගත්ත මගෙ කතුර පනාව නැති වෙද්දි

ඒ හැමදේම මගෙන් හොරෙන් අරන් ගිහින් ඌ දාපු සැලූන් එකේ තියෙනවා අපේ එවුන් පෙන්නද්දි මගෙ ඉරිසියාව.

මන් ගැන දන්න හැම එකාම දන්නවා මගෙන් දෙයක් ඉල්ලුවොත් ඕන දෙයක් දෙනවා කියලා.

ඌ මට නිකන් හරි කිව්වනම්

" බොසා මන් මෙහෙම ගමේ එකක් දාන්න හදන්නේ මට පොඩි Support එකක් දෙන්න " කියලා

එහෙනම් යකෝ මන් උට ම කියලා

කතුරුයි පනායි පුටුයි සේරම අරන් දෙනවා.

හොරා කියන්නේ හොරාට.

ඌ පොඩි හොරෙක්ද ලොකු හොරෙක්ද කියන එක නෙමෙයි අදාල

මොකද දුප්පත් හොරු තමයි පාර්ලිමේන්තුවටත් ගිහින් ලොකුවට හොරකම් කරල උබලට අපිට ඉන්න රටක් නැති කරේ.

ඉන්න රටක් හරි ඉතුරු උනානේ කිව්වෙත්

සමහරක් උබල වගේ ම එවුන් තමයි.

ආමි එකේ කෙනෙගේ හදවත weapon එක

පොලිසිය කෙනෙක්ගේ හදවත Cap එක

ගැරිජ් එකක කෙනෙක්ගේ හදවත යතුරු

ගායකයෙක්ගේ හදවත Mike එක

Guitarist කෙනෙක්ගේ හදවත Guitar එක

කොන්ඩෙ කපන කෙනෙක්ගේ හදවත කතුරයි පනාවයි

ඉදිකට්ටක් කියන්නේ උබලට මහලොකු දෙයක් නෙමෙයි

ඒත් ඉදිකට්ටේ වටිනාකම දන්නේ රෙදි මහන එකා විතරයි බන්.

උබලට ඒක ඉදිකට්ටක් උනාට උට ඒක උගේ හදවත

විඩියෝ එක අයින් කරේ ඌ මොකෙක් උනත් ගේමක් ගහන්න හදන කොල්ලෙක්ට වල කපන එකෙක් වෙන්න ඕනෙ නැති නිසා

ජයවේවා.

- රහල් අල්විස්