දියණිය සැප රියේ ඉදිරිපස තබාගෙන කෝටි ගණනක ගංජා ඇද්ද ජාවාරමා මාට්ටු

පුත්තලම කල්පිටිය මාර්ගයේ කරඹ පොලිස් මාර්ග බාධකයේදී සුඛෝපභෝගී වෑන් රථයක් පරීක්ෂා කළ අවස්ථාවේ කෝටි තුනකට ආසන්න කේරළ ගංජා තොගයක් ඊයේ(06) අලුයම අත්අඩංගුවට ගත් බව නොරොච්චෝල පොලිසිය කියයි.
කිලෝ දෙකක් අඩංගු ඇසුරුම් 97ක මෙම කේරළ ගංජා තොගය සූක්ෂම ලෙස වහනයේ සඟවා තිබී ඇත.
කේරළ ගංජා තොගය ප්රවාහනය කළ ප්රධාන සැකකරු සැක නොසිතන ලෙස ඔහුගේ වයස අවුරුදු හයක් වූ කුඩා දියණියද ඉදිරිපස ආසනයේ රඳවා ගනිමින් මෙම කේරළ ගංජා ප්රවාහනය කර ඇතැයි පොලිසිය කියයි.
පොලිසිය සඳහන් කරන්නේ මුහුදු මාර්ගයෙන් ඉන්දියාවේ සිට ධීවර යාත්රා මගින් කල්පිටිය හෝ ආසන්න ස්ථානයකට රැගෙන විත් සඟවා තිබූ කේරළ ගංජා තොගය මෙලෙස ප්රවාහනය කර ඇති බවට තොරතුරු ලැබී තිබෙන බවයි.
සිද්ධිය සම්බන්ධව නොරෝච්චෝල පොලිසිය වැඩිදුර විමර්ශන සිදු කරයි.
285 Views
Comments