“ජූනි මාසයේ ඉන්ධන ආනයනට ඩොලර් මිලියන 554 ක් ඕනි” - ඇමති කාංචන

ජුනි මාසය සඳහා ඉන්ධන ආනයනය කිරීමට ලංකා ඛණිජ තෙල් නීතිගත සංස්ථාවට ඇමෙරිකානු ඩොලර් මිලියන 554 ක් පමණ අවශ්‍ය බවත් එම අවශ්‍යතාවයෙන් ඩොලර් මිලියන 100ක දායකත්වයක් ඉන්දියානු ණය ක්‍රමයෙන් ලැබෙන බවත් විදුලිබල හා බලශක්ති අමාත්‍ය කාංචන විජේසේකර පැවසීය.  

 

ඉන්ධන ආනයනට අවශ්‍ය ඉතිරි ඩොලර් මිලියන 454ක මුදල් ලබා ගැනීම සඳහා ශ්‍රී ලංකා මහ බැංකුවේ අධිපති සමඟ අද(30) පෙරවරුවේ සාකච්ඡා කළ බවත් ඉන්දියානු රජය සමඟ නව ණය යෝජනා ක්‍රමයක් පිළිබඳවද සාකච්ඡා කරමින් සිටින බවත් අමාත්‍යවරයා වැඩි දුරටත් පැවසීය.