Future of Asia වේදිකාවට ගොඩ වූ ජනපති

මැයි 25 වැනිදා ජපානයේ තෝකියෝ නුවර පැවති ‘Nikkei Forum: Future of Asia’ උත්සවයේ වේදිකාවට ගොඩ වූ ජනාධිපති රනිල් වික්‍රමසිංහ මහතා සිය දේශනයේදී ආසියාව මුහුණ දෙන ප්‍රධාන අභියෝග, ප්‍රජාතන්ත්‍රවාදී වටිනාකම් සහ මානව හිමිකම්, දේශගුණික විපර්යාස, වෙළෙඳ ඒකාබද්ධතාව සහ බලය පිළිබඳව අවධාරණය කළේය. 

 

ඉන්දියන් සාගරය සහ ආසියා පැසිෆික් කලාප සම්බන්ධයෙන් ශ්‍රී ලංකා රජයේ ප්‍රවේශය ද ඔහු එහිදී අවධාරණය කළේය.  ජපානයේ සහයෝගිතා ප්‍රවේශය අගය කරන අතරම ශ්‍රී ලංකා රජයට පූර්ණ සහයෝගය ලබා දෙන අතරම, සාමකාමී සහ සමෘද්ධිමත් ආසියානු කලාපයක් බිහිවීම සඳහා එය ඉතා වැදගත් බවත්, සියලුම ආසියානු ජාතීන් අතර සංවාදයක් සඳහා ශ්‍රී ලංකාවේ අධිෂ්ඨානය බවත් ඔහු සඳහන් කළේය.  

 

වෙළඳ ඒකාබද්ධතාවයේ වැදගත්කම සහ දේශගුණික විපර්යාස කෙරෙහි අවධානය යොමු කිරීමේ වැදගත්කම ද ඔහු එහිදී පැවසීය.

 

ජනාධිපති වික්‍රමසිංහ මහතා සිය කතාවෙන් අනතුරුව අන්තර් ක්‍රියාකාරී සැසියකට ද සහභාගි විය.