තෝකියෝ නගරයට බටහිර දෙසින් ප්‍රදේශ තුනක වැසි සමය අවසන් වේ

ජපානයේ කාලගුණ බලධාරීන් පවසන්නේ තෝකියෝ නගරයට බටහිර දෙසින් ප්‍රදේශ තුනක වැසි සමය අවසන් වී ඇති බවයි.

 

කාලගුණ විද්‍යා දෙපාර්තමේන්තුව ඊයේ (20) නිවේදනය කළේ චුගෝකු, කිංකි සහ ටෝකායි ප්‍රදේශවල ඉදිරි සතිය සඳහා අව්ව සහිත කාලගුණය පවතිනු ඇතැයි අපේක්ෂා කරන බැවින් පෙනෙන පරිදි වැසි සමය අවසන් වී ඇති බවයි.

 

කෙසේවෙතත් ඇතැම් ප්‍රදේශවලට ධාරානිපාත වර්ෂාවක් අපේක්ෂා කෙරේ.නායයෑම් ඇතිවිය හැකි බැවින් ඒ පිළිබඳව අවධානයෙන් සිටින ලෙස ද ඔවුන් ජනතාවට දැනුම් දෙයි.