ජපානයෙන් කිලිනොච්චියට පාසල් ගොඩනැගිලි

ඊයේ (11) ජපාන රජයේ බිම් මට්ටමේ මානව ආරක්ෂණ ප්‍රදාන ආධාර යටතේ මානුෂීය සංවර්ධන සංවිධානය (HDO) විසින් ක්‍රියාත්මක කරන ලද උතුරු පළාතේ කිලිනොච්චි දිස්ත්‍රික්කයේ කරච්චි කොට්ඨාශයේ ස්කන්තපුරම් ගම්මානයේ පාසල් ගොඩනැගිලි භාරදීමේ උත්සවයට ජපාන තානාපති MIZUKOSHI Hideaki මහතා සහභාගී විය.  

 

බිම් මට්ටමේ මානව ආරක්ෂණ ව්‍යාපෘති සඳහා ජපන් ආධාර ආධාර මගින් ස්කන්තපුරම් ගම්මානයේ බිම් බෝම්බ ද ඉවත් කරන ලදී.

 

මෙම ව්‍යාපෘතියේ දී, නැවත පදිංචි වූ පවුල්වලට උපකාර කිරීමේ අරමුණින් පුස්තකාලයක් ඇතුළු පාසල් ගොඩනැගිලි දෙකක් සහ විශේෂ අවශ්‍යතා ඇති සිසුන් සඳහා පන්ති කාමරයක් ඉදිකරමින් සිසුන් 250 කට පමණ ඉගෙනුම් පරිසරය වැඩිදියුණු කිරීම සඳහා ජපාන රජය ඩොලර් 88,819 ක් ලබා දුන්නේය.  

 

බිම් බෝම්බ ඉවත් කළ ප්‍රදේශවල මීට අමතරව පන්තිකාමරවලට මේස පුටු වැනි උපකරණ ලබාදීමට ද ව්‍යාපෘතිය සහාය විය.

 

වැඩිදියුණු කළ ඉගෙනුම් පරිසරය හරහා සිසුන්ට පාසල් අධ්‍යාපනයේ ගුණාත්මකභාවය සඳහා වඩා හොඳ ප්‍රවේශයක් සහතික කිරීමට මෙම ව්‍යාපෘතිය දායක වනු ඇත.

 

ශ්‍රී ලංකාවේ ජපන් තානාපති කාර්යාලය ශ්‍රී ලංකාවේ තිරසාර සංවර්ධනය සඳහා අවශ්‍ය සහාය අඛණ්ඩව ලබා දෙනු ඇත.