සැතපුම් ගණන් පියාසර කරන ජපානයේ Chestnut Tiger සමනලුන්

Chesnut Tiger හෙවත් ජපන් භාෂාවෙන් "අසගිමදාරා" ලෙස හඳුන්වන විශාල සංක්‍රමණික සමනලයෙකු කිලෝමීටර් 1,200 කට වඩා වැඩි දුරක් ගමන් කරන බව තහවුරු වී ඇත.

 

සෙන්ටිමීටර 10 ක පමණ පියාපත් ඇති මෙම සමනලුන් ජපානය පුරා කන්නයෙන් කන්නයට ගමන් කරයි.

 

සෑම ගිම්හානයේදීම ඔවුන් තෝකියෝවේ වයඹ දෙසින් පිහිටි Gunma ප්‍රාන්තයේ Tsumagoi ගම්මානයට පැමිණේ.

 

අගෝස්තු මාසයේදී ගම්වැසියන් සමනලුන් 40 දෙනෙකුගේ පියාපත් සලකුණු කර නැවත වනයට මුදා හැරියේය.

 

ග්‍රාම නිලධාරීහු පවසන්නේ 40 දෙනාගෙන් එකෙක් ඔක්තෝබර් අගදී Kagoshima හි නිරිතදිග ප්‍රාන්තයේ Amami Oshima දූපතේදී තහවුරු වූ බවයි.

 

සමනලුන් මෙතරම් දුරක් ගමන් කරනු ඇතැයි ඔවුන් නොසිතූ නිසා ඔවුන් පුදුමයට පත් වූ බව නිලධාරීහු පැවසූහ.  සමනලුන්ගේ සංක්‍රමණ රටා අඛණ්ඩව නිරීක්ෂණය කරන බවද ඔවුන් වැඩිදුරටත් පැවසීය.