මියන්මාරයේදී ඝාතනයට ලක්වූ ජපන් මාධ්‍යවේදියාගේ කැමරාව ඔහුගේ සොහොන් කොතට

2007 වසරේ මියන්මාරයේදී ඝාතනයට ලක්වූ වීඩියෝ මාධ්‍යවේදී කෙන්ජි නාගයිගේ සොහොයුරිය ඔහුගේ සොහොන වෙත ගොස් ඔහු මිය යන විට රැගෙන ගිය වීඩියෝ කැමරාව එහි තබන ලදී.

 

2007 සැප්තැම්බර් මාසයේදී මියන්මාරයේ හමුදා පාලනයට එරෙහි විරෝධතාවක් ආවරණය කරමින් සිටියදී නාගයි මියන්මාර ආරක්ෂක අංශ විසින් වෙඩි තබා ඝාතනය කරන ලදී. එවිට ඔහුගේ වයස අවුරුදු 50 කි.

 

ඔහුගේ වීඩියෝ කැමරාව මියන්මාරයේ ස්වාධීන පුවත් සංවිධානයක් වන Democratic Voice of Burma (DVB) විසින් අත්පත් කර ගන්නා ලදී.  පසුව එය අප්‍රේල් මස අගදී බැංකොක්හි නාගයිගේ බාල සොහොයුරිය වන නොරිකෝ ඔගාවා වෙත ලබා දෙන ලදී.