උතුරු කොරියාව ඔත්තු බැලීමේ චන්ද්‍රිකාවක් අභ්‍යවකාශ ගත කිරීමට සූදානමින්

උතුරු කොරියාව මිලිටරි ඔත්තු බැලීමේ චන්ද්‍රිකාවක් අභ්‍යවකාශ ගත කිරීමට සූදානමින් සිටින බව වාර්තා වේ.

 

එබැවින් ජපානයේ ස්වයං ආරක්ෂක හමුදා ගොඩබිම් මිසයිල පද්ධතියක් සූදානම් කර තිබේ.

 

ඒ අනුව PAC3 මිසයිල විදිනයක් රැගත් ප්‍රවාහන ගුවන් යානයක් ජපානයේ බටහිර දෙසින් පිහිටි ඔකිනාවා ප්‍රාන්තයේ යොනාගුනි දූපතට ඊයේ (23) උදෑසන ළඟා විය.  

 

සෙනසුරාදා ආරක්ෂක අමාත්‍ය හමාඩා යසුකාසු විසින් ජපාන භූමියට ගොඩබැස්විය හැකි බැලස්ටික් මිසයිල හෝ වෙනත් වස්තූන් විනාශ කිරීමට සූදානම් වන ලෙස SDF වෙත නියෝග කිරීමෙන් පසුව මෙම යෙදවීම සිදු කෙරේ.

 

කෙසේවෙතත් උතුරු කොරියාව චන්ද්‍රිකාව දියත් කරන දිනයක් හෝ වෙනත් කිසිදු තොරතුරක් හෙළි කර නොමැත.