ජපානයේ සමාගම්වල විධායක තනතුරුවලින් 30%ක් කාන්තාවන් විය යුතුයි - අගමැති කිෂිඩා කියයි

අග්‍රාමාත්‍ය කිෂිඩා ෆුමියෝ පවසන්නේ 2030 වන විට ජපානයේ ඉහළම ලැයිස්තුගත සමාගම්වල විධායක තනතුරුවලින් අවම වශයෙන් සියයට 30 ක කාන්තාවන් සිටිනු දැකීමට තමාට අවශ්‍ය බවයි.

 

කිෂිඩා ඊයේ (27) පැවති ස්ත්‍රී පුරුෂ සමානාත්මතාවය සඳහා වූ රජයේ කවුන්සිලයේ රැස්වීමකදී මේ බව පැවසීය.

 

ව්‍යාපාරික අංශයේ කාන්තාවන්ගේ ප්‍රවර්ධනය වේගවත් කිරීමේ ප්‍රයත්නයක් ලෙස කිෂිඩා පැවසුවේ තෝකියෝ කොටස් වෙළෙඳපොළේ ඉහළ පෙළේ ප්‍රයිම් අංශයේ ලැයිස්තුගත කර ඇති සමාගම්වල විධායක තනතුරුවලින් 2030 වන විට අවම වශයෙන් සියයට 30 ක් කාන්තාවන් පිරවිය යුතු බවයි.

 

නිත්‍ය නොවන රැකියා කරන තවත් කාන්තාවන්ට පූර්ණ කාලීන නිත්‍ය සේවකයින් වීමට ඉඩ සැලසීමට සහ තාක්ෂණික කුසලතා ලබා ගැනීමට කාන්තාවන් පුහුණු කිරීමට පියවර ගන්නා ලෙසද කිෂිඩා ඉල්ලා සිටියේය.

 

මෙය ඔවුන්ගේ ආදායම ඉහළ නංවා ගැනීමටත් මූල්‍ය ස්වාධීනත්වය ළඟා කර ගැනීමටත් ඉවහල් වන බව ඔහු පැවසීය.