ජපාන MSDF නෞකාවක් අභ්‍යාසයක් සඳහා දකුණු කොරියානු වරායකට ඇතුළු වෙයි

ජපානයේ සමුද්‍රීය ආත්මාරක්ෂක බලකායේ නැවක් හිරු ධජය ප්‍රදර්ශනය කරමින් බහුපාර්ශ්වික අභ්‍යාසවලට පෙර දකුණු කොරියානු වරායකට ඇතුළු වී තිබේ.

 

දකුණු කොරියාවේ ජෙජු දූපතට ඔබ්බෙන් වූ මුහුදේ පැවැත්වෙන  අභ්‍යාසවලදී ධජය ප්‍රදර්ශනය කිරීමට ඔවුන් අපේක්ෂා කෙරේ.

 

MSDF යාත්‍රාවල හිරු ධජය ප්‍රදර්ශනය කළ යුතු බව ආත්මාරක්‍ෂක හමුදා නීතියෙන් නියම කර ඇත.

 

දකුණු කොරියානු මාධ්‍ය ධජය විස්තර කර තිබුණේ ජපානයේ අතීත යුදවාදයේ සංකේතයක් ලෙසයි.

 

ධජය එසවීම ගැටළු සහගත ලෙස තමන් නොසලකන බවත් එය ජාත්‍යන්තර සිරිතක් ලෙස හඳුන්වමින් සිටින බවත් වත්මන් ජනාධිපති යූන් සුක්-යෙයෝල්ගේ පරිපාලනය පවසයි.