පිදුරු උණ රෝගය තුරන් කිරීමට ජපන් රජයෙන් සැලැස්මක්

සෑම වසරකම මාස ගණනක් මිලියන ගණනකගේ ජීවිත දුක්ඛිත තත්වයට පත් කරන පිදුරු උණ රෝගය අවම කිරීම සඳහා ජපාන රජය සැලැස්මක් සකස් කර ඇත.

 

වනාන්තර එළි පෙහෙළි කිරීමෙන් පිදුරු උණ රෝගය පැතිරීම අඩකින් අඩු කිරීම නිලධාරීන්ගේ අරමුණයි.

 

කෙටුම්පත් සැලැස්ම යටතේ කෘතිමව වගා කරන ලද වනාන්තරවලින් සියයට 20 ක් පමණ දශකයක් තුළ කපා දමනු ඇත.

 

ජපානයේ භූමි ප්‍රමාණයෙන් සියයට 70 කට ආසන්න ප්‍රමාණයක් වනාන්තර වේ.කන, නාසය සහ උගුර වෛද්‍යවරුන් පිරිසක් විසින් 2019 දී රටපුරා කරන ලද සමීක්ෂණයකින් ප්‍රතිචාර දැක්වූවන්ගෙන් සියයට 43 ක් පමණ පරාග ආසාත්මිකතාවයෙන් පෙළෙන බව සොයා ගන්නා ලදී. එම අගය දශක දෙකක් තුළ දෙගුණයකටත් වඩා වැඩි වී තිබේ.