ඊසාන දිග ජපානයට වාර්තාගත වර්ෂාපතනයක්

ජපානයේ ඊසාන දිග ප්‍රදේශයට ඇද හැලෙන අධික වර්ෂාව හේතුවෙන් විශාල ගංවතුර තත්ත්වයක් ඇති වී ඇති අතර නාය යෑමේ අවදානමද ඉහළ ගොස් තිබේ.

 

ඒ අනුව අකිටා නගරයට ගතවූ පැය 48 ක කාලය තුළ මිලිමීටර් 243 ක වාර්තාගත වර්ෂාපතනයක් ලැබී ඇත.

 

නගරය හරහා ගලා යන ගංගාවක ඉවුරු බිඳීමෙන් නගරයට සහ ඒ අවට ප්‍රදේශයට ගංවතුර තත්වයක්ද ඇතිවිය.

 

ඊසානදිග ජපානයේ වර්ෂාව දිගටම පවතිනු ඇතැයි අපේක්ෂා කෙරෙන අතර පහත් බිම්වල ගංවතුර, පිටාර ගැලීම් සහ නායයෑම් පිළිබඳ කාලගුණ බලධාරීන් අනතුරු අඟවයි.