Ichibata වෙළඳසැල වසා දැමීමට තීරණයක්

JR Matsue දුම්රිය ස්ථානය ඉදිරිපිට පිහිටා ඇති Shimane ප්‍රාන්තයේ එකම දෙපාර්තමේන්තු වෙළඳසැල වන "Ichibata වෙළඳසැල" ලබන වසරේ ජනවාරි 14 වන දින සිය ව්‍යාපාරය වසා දමන බව නිවේදනය කර ඇත.  

 

ඒ විශාල සාප්පු සංකීර්ණ විවෘත කිරීම, අන්තර්ජාල සාප්පු සවාරි වැඩිවීම සහ කොරෝනා අර්බුදය හේතුවෙන් අලෙවිය මන්දගාමී වීම හේතුවෙනුයි.

 

Ichibata දෙපාර්තමේන්තු වෙළඳසැල 1958 ඔක්තෝම්බර් මාසයේදී Matsue නගරයේ Tonomachi හි දී විවෘත කරන ලදී. 

 

පසුව 1998 දී එය වත්මන් ස්ථානයට ගෙන යන ලදී. 

 

2002 මාර්තු 31 දිනෙන් අවසන් වූ මූල්‍ය වර්ෂයේ දී වෙළඳසැලේ භාණ්ඩ අලෙවිය යෙන් බිලියන 10.8 දක්වා ඉහළ ගිය අතර වසරින් වසර පහත වැටෙමින් තිබේ. 

 

එය මේ වසරේ මාර්තු මාසයෙන් අවසන් වූ මූල්‍ය වර්ෂයේදී යෙන් බිලියන 4.3 දක්වා පහත වැටී ඇත.