ගැබ්බර එළදෙනුන් දෙදෙනා සොරකම් කර පණපිටින් පුච්චා මරලා
දිඹුලාගල මැණිකේ ඇළ ප්රදේශයෙන් සොරාගත් ගැබ්බර එළදෙනුන් දෙදෙනකු රැගෙන යාමේදී ඇතිවූ බාධාවක් නිසා කුඹුරක බැඳ පිදුරු දමා පුළුස්සා මරා දැමීමේ අවාසනාවන්ත පුවතක් දිඹුලාගලින් වාර්තා වේ.
මෙම එළදෙනුන් සේරුවල ප්රදේශයේ ගොවියෙකු විසින් ඇති කරනු ලැබ ඇති අතර එම ගව පට්ටියෙන් සොරාගෙන යාමේදි අතරමඟ යම් බාධාවක් ඇතිවීම නිසා මෙසේ පුළුස්සා මරා දමන්නට ඇතැයි සැක පළකරයි.
මනම්පිටිය පොලිස් ස්ථානාධිපති පොලිස් පරීක්ෂක ආර්.වීරසිංහ මහතා පවසා සිටියේ මෙම සිද්ධිය සම්බන්ධයෙන් විධිමත් පරික්ෂණයක් පවත්වා සැකකරුවන් අත්අඩංගුවට ගන්නා බවයි.
862 Views
Comments