යාපනය මහ නගර සභාවට නව නගරාධිපතිවරයෙක්

යාපනය මහ නගර සභාවේ නගරාධිපති ලෙස කටයුතු කළ ආර්නෝල්ඩ් මහතා ඉකුත් 28 වැනිදා සභාවට දෙවෙනි වතාවටත් ඉදිරිපත් කළ අයවැය පරාජයට පත්වීමත් සමග ඔහුට නගරාධිපති ධුරය අහිමි විය.

 

එදින අයවැයට විපක්ෂව ඡන්ද විසි දෙකක් හිමි වූ අතර පක්ෂව ලැබුනේ ඡන්ද දාසයක් පමණි.

 

මේ අනුව පුරප්පාඩු වූ යාපනය මහ නගර සභාවේ නගරාධිපති ධූරය සඳහා නව නගරාධිපතිවරයකු පත් කිරීමේ ඡන්ද විමසීම එළඹෙන දහ වනදා පැවැත්වීමට උතුරු පළාත භාර පළාත් පාලන මහ කොමසාරිස්වරයා තීරණය කර ඇති බව වාර්තා වේ.